"Laakiin
in alla
Intii Aqbashay,
Aqbalida Masiixa |Kukorida Masiixa | Unoolaanshaha Masiixa
Aqbalida Masiixa
Siduu mid ku noqon karaa Masiixi?
Maxaa dhacaya markuu mid aqbalo Masiixa?
Miyuu mid si dhab ah u garan karaa inuu badbaaday?
Salaada
Ereyga Ilaah
In wehel lala yeeshto rumeystayaasha kale
Siddee ayaan ugu noolaan karnaa Masiixa?
Siddee ayaan u markhaati fureynaa?
Maxaa loola jeedaa
aqbalida Masiixa? Jumladan
waxaa laga soo dhex bixiyey Injiilka sida Yooxanaa u qoray cutubka 1aad
aayada 12aad. Haddii laga soo bilaabo aayada 11aad, waxay leedahay, "Wuxuu
u yimid kuwiisii, kuwiisiina ma ay aqbalin isaga. Laakiin in ALLA
INTII AQBASHAY, wuxuu siiyey amar ay carruurtii Ilaah ku noqdaan,
kuwaasu waa kuwii magaciisa rumaystay.”
Waxa aynu aayadan ka baranayno ayaa
waxay tahay ahaanshaha Masiixinnimo ama carruurta Ilaah ma ahan wax aynu
ka dhaxlayno waalidiinteena Masiixiga ah, laakiin waa wax shakhsi
ahaanneed oo si caqliyan ah aynu u gelayno marka aynu Rabbi Ciise Masiix
qalbigeena ku aqbalayno. Sababtaa iyada ah weeye sababta uu Ciise Masiix
ugu yiri kitaabka Muujinta 3:20 "Bal eeg,
albaabkaan taaganahay oo garaacayaa; haddaba haddii nin codkayga maqlo oo
albaabka iga furo, waan u soo gelayaa, oo waan la cashayn, isna wuu ila
cashayn." Marka , aqbalida Masiixa micnaheedu waxa weeye
inaynu qalbiyadeena furno, oo aynu ku martiqaadno nolosheena sida
Rabbigeena iyo badbaadiyaheena khaaska ah.
Ereyga aqbalid ama ogolaansho waxa uu u
taagan yahay HADIYAD.
Sida dhabta ah, kitaabak qoduuska ah waxa uu inoo sheegayaa in Ciise
Masiix yahay hadiyada uu Ilaah siiyey banii-aadanka. Nuxurka fariinta
Baybalka waxa laga helayaa Injiilka sida Yoxanaa u qoray 3:16 "Ilaah
intuu dunida jacayl u qabay ayuu siiyey wiilkiisa keliya oo dhashay in mid
kastoo isaga rumaystaa uusan lumin laakiinse uu lahaado nolosha weligeed
ah."
Siduu mid ku noqon karaa Masiixi?
1.
Ogolow inaad dembaabtay. "Maxaa
yeelay, dhammaan wey wada dembaabeen oo gaadhi waayeen ammaanta Ilaah."
Rooma 3: 23
2.
Rumeysto in Ciise Masiix
guday ciqaabta dembiyadaada markii uu iskutallaabta dusheeda daraadaa ugu
dhintay si markaasi aad adigu dembiyadaada u gudin. "Waayo, mushahaarada dembigu waa dhimashada, laakiinse haddiyada
Ilaah waa nolosha weligeed ah ee laga helo Rabbigeenna Ciise Masiix."
Rooma 6:23
"Laakiinse Masiixu waa inoo dhintay intaynu weli dembiilayaal ahayn." Rooma 5: 8
3.
Weydiiso Ilaah inuu kaa
cafiyo dembiyadaada oo idil, kuna casuum in Ciise Masiix inuu qalbigaaga
soo galo.
"Oo dhiiga Ciise, oo wiilkiisa ah, wuxuu inaga nadiifiyaa dembi oo dhan." 1Yooxanaa 1:7
"Haddaynu dembiyadeenna qiranno, isagu waa aamin iyo caadil inuu dembiyadeenna inaga cafiyo, oo uu inaga nadiifiyo xaqdarrada oo dhan." 1 Yooxanaa 1:9
"Bal eeg, albaabkaan taaganahay oo garaacayaa; haddaba haddii nin codkayga maqlo oo albaabka iga furo, waan u soo gelayaa" (Muujintii 3:20).
Maxaa dhacaya marka qof uu Ciise Masiix
ku aqbalo qalbigiisa?
1. Wuxuu noqonayaa cunuga Ilaah.
Yooxanaa 1: 12
2. Mar labaad ayuu dhalanayaa.
Inkasta oo ereyga "Dhalashada
Labaad" si xun loo isticmaalay, haddana wuxuu ka soo baxay bushimiha
Masiixa markii uu la hadlayey oday ka mid ah hogaamiyayaasha diinta. Ciise
waxa uu isaga u sheegayey in dhaacada oo qura aanay qofka ku filnayn. "Runtii,
runtii waxaan kugu leeyahay, Qof haddaanu mar kale dhalan, boqortooyadii
Ilaah arki kari maayo." Yooxanaa 3:3
Dhalashada mar labaad micnaheedu waxa
weeye in ruuxeenu, kaas oo ka dhintay xagga Ilaah dembigeena awgii, soo
noolaanayo mar labaad marka aynu ka towbad keeno dembiyadeena oo dhan oo
aynu cafinta Ilaah ku helno xagga iimaanka Ciise Masiix.
"Idinku waxaad ku
dhimateen xadgudubyadiinna iyo dembiyadiinna, kuwaas oo aad markii hore
ugu socon jirteen sida socodka wakhtigan iyo sida madaxda xoogga hawada oo
ah ruuxa haatan ka dhex shaqaynaya carruurta caasinimada. Iyaga dhexdooda
mar baynu dhammaanteen ku dhaqmi jirnay damacyada jidhkeenna, innagoo
sameynayna waxyaalaha jidhka iyo maanku ay doonayaan, oo inaguna xagga
dabiicadda waxaynu ka ahayn carruurtii cadhada sida dadka kale. Laakiinse
Ilaaha naxariista hodanka ka ahu wuxuu inagu jeclaaday jacaylkiisa weyn,
oo sidaas daraaddeed markii aynu xadgudubyadeenna ku dhimannay wuxuu inala
soo nooleysiiyey Masiix. Idinku nimco baad ku badbaadeen. " Efesos
2:1-5
3. Waxa uu abuur cusub ku dhex noqonayaa
Ciise Masiix.
"Sidaas daraaddeed haddii qof masiix ku jiro waa abuur cusub, oo waxyaalihii hore way idlaadeen, bal eega, wax waliba way cusboonaadeen e." II Korintos 5: 17
Qofku si xaqiiqa ah miyuu u garan karaa inuu jannada tagayo markii uu dhinto?
Kitaabka Qoduuska ah ee Baybalka,
1 Yooxanaa 5:13 waxa ay inoo sheegaysaa, "Waxyaalahan
waxaan idinku soo qoray, idinka oo rumeystay magaca wiilka Ilaah, si aad u
OGAATAAN inaad nolosha weligeed ah leedihiin." Waxaynu
aayadan ka ogaan karnaa sabab ka mid ah sababaha loo qoray Baybalka inay
tahay, sida tusmo jid, taas oo inoo muujinaysa sidaa aan ku tegi lahayn
jannada, una lahaan lahayn hubaasha nolosha daa’imka ah. Ilaah ma
doonayo inaan rajo lahaano uun laakiinse inaynu garano inaynu leenahay
nolosha daa’imka ah. Waxaa jira aayado kale oo iyaguna ina siinaya
hubaasha nolosha daa’imka ah.
"Kan Wiilka haystaa, noloshuu leeyahay. Kii aan wiilka Ilaah haysanna nolosha ma leh." 1 Yooxanaa 5:12
"Runtii, runtii, waxaan idinku leeyahay, kii hadalkayga maqla oo rumeysta kii i soo diray, wuxuu leeyahay nolosha weligeed ah, xukunna geli maayo, laakiin dhimashadii ayuu ka soo gudbay oo nolosha u soo gudbay." Yooxanaa 5:24
" Ruuxa qudhiisu wuu
markhaati furaa oo wuxuu ruuxeenna u sheegaa inaynu innagu nahay carruurta
Ilaah." Rooma 8:16
"Haddaba sidaad u aqbasheen Rabbi Ciise Masiix, ku socda, idinkoo isaga xidid ku yeeshay oo ku dhismay, oo rumeysadkiinna ku adkaaday, taas oo ah sidii laydiin baray, oo aad u mahad naqa." Kolosay 2: 6-7
Sida canug markaa dhashay looga doonayo
inuu koritaan badan sameeyo, waa sidaa oo kale sida laga doonayo qof u
dhashay ama ku soo biiray Boqortooyada Ilaah. Waxa aayada kore ay inoo
sheegayso ayaa waxay tahay aqbalida Masiixu waa uun bilowga socdaal dheer
ee xagga ruuxa. Sida uu qof hadda ka hore yidhi Masiixinimadu ma ahan
orodka boqolka mitir ee hal mar la boodo ee waa orod soconaya nolosha oo
dhan.
Aayadu sidoo kale waxay inoo sheegaysaa
inaynu isaga ku dhex socono, taas oo micnaheedu yahay inaynu ku socono
adeecida erayadiisa iyo ruuxa. Markaynu isaga ku dhex socono, isaga ayeynu
xidido ku dhex yeelanaynaa, kuna dhex koreynaa. Sida geedku xididadiisu
hoos ugu siidaayo, laamihiisana kor innaguna sidaa oo kale waa inaynu
xidido ku yeelanaa Masiixa, kuna dhex kornaa si markaasi aynu u yeelano
midho isaga ka farxiya.
Kitaabka Qoduuska ah ee Baybalka waxa uu
inoo sheegayaa inaynu ka gudubno carruurnimada inaga oo noqonayna qangaadh.
"Markaan ilmo yar ahaan jiray, sidii ilmo oo
kale ayaan u hadli jiray, sidii ilmo oo kale ayaan wax u garan jiray,
sidii ilmo oo kale ayaan u fikiri jiray, laakiinse haatan waxaan noqday
nin weyn, oo waxyaalihii carruurnimada waan iska fogeeyey." 1Korintos
13:11
Koritaanku waa hab si tartiib ah u socda.
Waxyaalha qura ee sida deg degta ah u kora cawska iyo qashinka kale.
Geedka hal habeen oo qura kuma koro, wakhti badan ayuu koritaankiisa
qaataa. Si tartiib ah ayuu u koraa laakiin la hubo, midho ayuuna dhalaa
inta uu korayo.
Sida uu geedku ugu baahan yahay;
a.
Hawo
b.
Biyo iyo macdan iyo
c.
Shucaaca qoraxda si uu u koro
Waxaa jira waxyaalo lagama maarmaan ah
oo uu u baahan yahay qofka ku soo biira boqortooyada Ilaah si uu ugu koro
oo ugu weynaado Masiixa. Waxyaalahan iyaga waxaa ka mid ah:
a. Salaada
b. Ereyga Ilaah iyo
c. Wehelnimada rumeystayaasha kale
Salaada
Sida uu qofku ugu baahan yahay hawada si
uu u noolaado salaaduna sidaa oo kale waxaynu ugu baahanahay nolosha
ruuxeena. Salaadu waa sida neefsashada.
Marka aynu neefsanayno waxaynu qaadanaynaa Oksijiin, taas oo aad muhiim
ugu ah jirkeena, waxaanan dibeda u soo saarnaa hawadii oo gubatay. Sidoo
kale, marka aynu tukanayno waa sida innaga oo neefsanayna nimcada Ilaah,
jacaylka dembi dhaafka iwm… sidoo kale innaga oo siideynayna
daciifnimada dembiyadeena iyo dhicitaanka xagga noloshiisa innaga oo ku
towbad keenayna.
Waa maxay salaada?
Salaadu waa habka
lagula xiriiro Ilaah.
Salaadu waa sida laba jid oo isdaba maraya. Isaga ayeynu la hadalnaa
isaguna wuu innala hadlaa. Salaadu waxaynu kula hadalnaa Ilaah sida aynu
saaxiibadeena ugu wanaagsan ula hadalno. Waxaynu u sheegnaa farxadeena,
murugadeena una qiranaa daciifnimadeena, waxaynu uga mahad naqnaa
waxyaalihii uu inoo sameeyey, waxaynu isaga weydiisanaa nimcadiisa,
awoodiisa, magangalkiisa iyo xigmad aynu maalintaa ku moodnaa, waxa kale
oo aynu weydiisanaa inuu badbaadiyo oo uu barakadeeyo kuwa kale. Isaguna
sidaa oo kale siyaabo kala duwan ayuu inoola hadlaa, habkiisa ugu weyna
waa isaga oo inoo soo mara ereygiisa. Markaynu akhrino erayadiisa waa
sida innaga oo qalbigiisa akhrinay maxaa yeelay erayadiisu waa sharaxaada
qalbigiisa iyo maskaxdiisa.
Waxa kale oo uu inagula hadlaa xagga
ruuxiisa kaas oo innaga inagu dhex jira. Marka aynu sameyno ama niraahno
wax uusan raali ka ahayn wuu inagaradsiiyaa laakiin inama xukumo ama inama
cambaareeyo maxaa yeelay cambaareyntu waxay ka timaadaa Sheydaanka.
Guud ahaan, salaadu
waa xiriir u dhaxeeya aabaha iyo ilmaha. Isagu waa aabahayaga
jannada ku jira innaguna waxaynu nahay carruurtiisa. Wuu ka duwan yahay
aabayaasheena dunidan, isagu iin ma leh, eedna laguma sheegin. Xitaa si
walba oo ay waalidiinteena aduunkan u fiican yihiin, isaga wanaagiisa wax
la barbar dhigi karo ma leh.
Si uu xiriir caafimaad qaba uga dhaxeeyo
ilmo iyo aabahood, waa in dhexdooda uu jiraa xiriir wanaagsan. Taasi weeye
waxa salaadu tahay, xiriir caafimaad qaba oo dhexyaala isaga iyo innaga.
Waxaa jira noocyo badan oo salaada ah
- Salaada towbadkeenida
Salaadan iyada
ah waa mida innaga yeeshay inaynu ka mid noqono qoyska Ilaah, nagana
yeelay inaynu helno nimcadiisa. Sidoo kale waa salaada furta wadada u
dhaxeysa innaga iyo Ilaah maxaa wacay dembigu waa sida derbi u dhaxeeya
Ilaah iyo banii-aadanka. Towbadkeenida
weeye mida innaga nadiifisa dembi kasta oo innaga jaray inaynu si qalbi ah
wehelnimo ula lahaano Ilaah.
"Bal
eega, Rabbiga gacantiisa inay wax badbaadiso kama gaabna, oo dhegihiisuna
inay wax maqlaan
Xalka keliya ee
loo heli karo dhibkan ayaa waxa uu yahay iyada oo si daacadnimo leh loo
towbadkeeno "Haddaynu dembiyadeenna qiranno,
isagu waa aamin iyo caadil inuu dembiyadeenna inaga cafiyo, oo uu inaga
nadiifiyo xaqdarrada oo dhan." 1 Yooxanaa 1:9.
"
Carruurtaydiiyey, waxaan waxyaalahan idiinku soo qorayaa si aydnaan u
dembaabin; oo qof uun hadduu dembaabo, waxaynu xagga Aabbaha ku leennahay
Dhexdhexaadiye, waana Ciise Masiix
" Laakiin haddaynu nuurka ku soconono siduu isaguba nuurka ugu jiro, wehelnimo ayeynu isla wada wadaagnaa, oo dhiiga Ciise, oo Wiilkiisa ah, wuxuu inaga nadiifiyaa dembi oo dhan." 1 Yooxanaa 1:7
Laakiin haddii
miyirkeenu caadi yahay, qalbigeenuna uusan ina xukumeynin, ma ahan inaynu
salaada towbadkeenka ku tukano mar waliba.
"Gacaliyayaalow, haddii aan qalbigeennu ina eedayn , kalsoonaan ayeynu ku leennahay xagga Ilaah." 1 Yooxanaa 3:21
Inkasta oo uu
dareenkeenu ama maskaxdeenu caadi tahay waxaa dhici karta inuu jiro wakhti
aynu dooneyno inaynu u tukano siddii nebi Daa’uud.
" Ilaahow, i baadh, oo qalbigayga garo, I tijaabi, oo fikirradayda ogow, Oo bal fiiri inuu jid xumaan ahu igu jiro iyo inkale, Oo igu hoggaami jidka weligiis ah." Sabuurrada 139:23-24
- Salaada Tuugida
Salaadan waa salaada aynu tukano marka
aynu Ilaah weydiisanayno inuu ina siiyo waxa aynu u baaahanahay. Sida
Ciise uu yidhi, "Weydiista oo waa laydin
siin doonaa; doona oo waad heli doontaan; garaaca oo waa laydinka furi
doonaa; waayo, mid kasta oo weydiista waa la siiyaa, kii doonaana waa
helaa, kii garaacana waa laga furi doonaa." Matayos 7:7-8
Salaada tuugida sidoo kale waa salaada
aynu isaga isugu dhiibno ugana mahadnaqno daryeelkiisa isaga oo taa inoogu
bedelaya nimco iyo nabad xagga Ilaah ka timaada.
"Haddaba sidaas
daraaddeed gacanta xoogga leh oo Ilaah iska hooseysiiya, si uu wakhtigiisa
idiin sarraysiiyo. Welwelkiinna oo dhan isaga saara, maxaa yeelay, isagu
dan buu idinka leeyahay." 1 Butros 5: 6-7
"Sidaas daraaddeed
walaalahayga aan jecelahay oo aan u xiisoonayow, idinku waxaad tihiin
farxaddayda iyo taajkayga. Gacaliyayaalow, xagga rabbiga saas ugu
xoogaygsta." Filiboy 4:1
Marka aynu Ilaah weydiisano inuu ina
siiyo ama uu wax daraadeen u sameeyo salaada tuugida awgeed, jawaabtiisa
saddex siyaabood ayey ku iman kartaa.
- Wuxuu
odhan karaa Haa
inana siin karaa wixii aynu tuugnay haddii waxa aynu tuugnay yihiin
wax doonistiisa raacsan kuna toosan wakhtigiisa.
- Wuxuu
odhan karaa Sug
wixii aynu tuugnay haddii waxa aynu tuugnay yihiin wax doonistiisa
raacsan laakiin aan ku toosneyn wakhtigiisa. Waxaa jira sababo badan
oo uu Ilaah ku odhan karo sug. Qaar ka mid ah sababahaasi waxa weeye:
a.
Inuu ina baro sabarka oo uu
dabeecadeena sare u qaado.
b.
Inuu iimaankeenu koro isla
markaasi aynu barbaarayno.
c.
Mararka qaar wuxuu oranayaa
sug maxaa yeelay diyaar uma nihin wixii aan salaada ku tuugnay. Dib ayuu u
dhigayaa aqbalida ilaa aynu gaarno xilli aynu diyaar u nahay inaynu helno
jawaabta. Sida uu hadda ka hore qof yidhi, daahinta uu Ilaah wax innaga
daahiyo ma ahan diidmo.
3.
Wuxuu
Sababaha uu Ilaah inoogu yiraahdo MAYA
mararka aynu wax ka barino waxaa ka mid ah:
o
Marka aynu ka barino isaga
wax ka soo horjeeda doonistiisa. "Oo tanu
waa kalsoonaanta aynu isaga u qabno, taasoo ah haddaynu wax uun
doonistiisa ku barinno, isagu wuu ina maqlaa." 1 Yooxanaa 5:14
o
Marka aynu barinnayno inaga
oo ka fikirayna damacyadeena khaas ahaaneed. "Waad
weydiisataan, mana heshaan, waayo, si xun baad u weydiisataan inaad ku
bixisaan damacyadiinna aawadood." Yacquub 4:3
o
Marka aynu barinno inaga oo
shakisan "Laakiin rumeysad ha ku baryo,
isaga oo aan shakiyayn, waayo, kii shakiyaa wuxuu la mid yahay hirka badda
oo dabayshu kaxayso oo rogrogto. Ninkaasu yuusan u malayn inuu Rabbiga wax
ka heli doono." Yacquub 1:6-7.
o
Haddii ay jiraan dembiyo
aanan qiran ee qalbiyadeena ku jira. "Haddaan
dembi qalbigayga ku arkay, Sayidku ima uu maqleen." Sabuurrada 66:18
- Uduceynta kuwa kale
Salaadan waa
salaada aynu u tukano inaga oo matalayna kuwa kale. Inkasta oo ducooyinka
oo dhan ay muhiim yihiin, uduceynta kuwa kale ayaa aad sharaf u leh markii
la barbardhigo markii aynu inaga isu duceynayno, maxaa yeelay waxay
tuseysaa inaan ka fikirayn nafsadeena oo qura laakiin xitaa baahida kuwa
kale. Baryadan waxa kale oo ay muujinaysaa inaynu ka kori hayno xagga
ducada. Salaadan sida ay muhiimka u tahay waxa ku tusaya in Ruuxa Qoduska
ah laftiisa uu innagu caawiyo inaynu kuwa kale Ilaah u barino.
"Sidaasoo kalena Ruuxu wuxuu inaga caawimaa itaaldarradeenna , waayo, garan mayno wax inoo eg oo aynu ku tukanno, laakiin Ruuxa qudhiisu waa inoo duceeyaa isagoo ku taahaya taah aan sanqadhayn. Oo kii qalbiyada baadhaa waa yaqaan fikirka Ruuxa, maxaa yeelay, wuxuu qoduusiinta ugu duceeyaa sida Ilaah doonayo. Rooma 8:26-27.
D. Tukashada Mahadcelinta
Mahadcelintu
waa Ilaah oo loogu mahadceliyo wax waliba oo uu inoo sameeyey.
"Naftaydoy,
Rabbiga ammaan, Oo inta igu jirta oo dhammay, ammaana magiciisa qoduuska
ah.
Naftaydoy, Rabbiga ammaan, Oo
ha iloobin wanaagga uu kuu sameeyo oo dhan.
Isagaa
kaa cafiya dembiyadaada oo dhan, Oo kaa bogsiiya cudurradaada oo dhan,
Oo naftaada ka
badbaadiya halligaada, Oo raxmad iyo naxariis kugu barakadeeya, Oo kaa
dhergiya waxyaalaha wanwanaagsan, Si ay dhallinyaranimadaadu ugu
cusboonaato sida gorgorka oo kale. Sabuurrada 103:1-5.
E.
Caabudid
Caabudidu waa
nooc ka mid ah salaada taas oo aynu ku ammaano, sarrena ugu qaadno Ilaah,
ma ahan keliya waxa uu inoo sameeyey, laakiin midka uu isagu yahay, maxaa
yeelay isagu wuu u qalmaa in la ammaano oo sarre loo qaado.
"Waxaan baryayaa Rabbiga istaahila in la ammaano, Oo sidaasaan cadaawayaashayda kaga badbaadi doonaa." Sabuurrada 18:3
"Rabbigu waa weyn yahay, waana in aad loogu ammaanaa Ilaaheenna magaaladiisa, iyo buurtiisa qoduuska ah." Sabuurrada 48:1
F.
Salaada Heshiiska
Tani waa salaad ay laba
qof ama in ka badan oo rumeystayaal ah ku heshiinayaan inay u tukadaan
baahi ama codsi khaas ah.
"Weliba
waxaan idinku leeyahay, Haddii laba idinka mid ahu dhulka ku heshiiyaan
wax kastoo ay baryaan, way uga noqon doontaa xagga Aabbahayga jannada ku
jira." Matayos 18:19
- Salaada awooda
Salaadan waa
salaada aynu ku isticmaalno awooda uu Ilaah na siiyey inaga oo ku
wajahayna cadowgayaga, waa sheydaanka e. Awooda uu Ilaah ina siiyey waxay
ku jirtaa:
MAGACA CIISE
"Haddaba sidaas
daraaddeed Ilaah isaga aad buu u sarraysiiyey, oo wuxuu isaga siiyey magaca
magac kasta ka sarreeya;
in jilib kastoo ah waxyaalaha samada ku jira iyo waxyaalaha dhulka jooga
iyo waxyaalaha dhulka ka hooseeyaaba, ay magaca Ciise u wada sujuudaan."
(Filiboy 2:9-10).
"Quruumihii oo dhammu
way I wada hareereeyeen, Oo
anna magaca Rabbiga ayaan ku baabi’in doonaa. Way I hareereeyeen, haah, oo way I hareereeyeen, Oo
anna magaca Rabbiga ayaan ku baabi’in doonaa.
Waxay ii hareereeyeen sida shinni oo kale, oo iyaga waxaa loo demiyey sida
dabka qodxanta oo kale, Oo
anna magaca Rabbiga ayaan ku baabi’in doonaa.
Adigu aad baad igu mudday si aan u dhaco aawadeed, Laakiinse Rabbigaa I
caawiyey. Rabbigu waa xooggayga iyo gabaygayga, Oo wuxuu ii noqday
badbaadadayda." (Sabuurrada 118: 10-14).
"Rabbigga
magiciisu waa noobiyad xoog leh; Kii xaq
ahu iyaduu ku cararaa, meel sarena wuu ku nabad galaa" (Maahmaahyadii
18:10).
"Qaar waxay isku halleeyaan gaadhifardoodyo, qaarna waxay isku halleeyaan fardo, Laakiinse innagu waxaynu xusuusanaynaa magaca Rabbiga Ilaaheenna ah. Iyagu way foororsadeen, wayna dheceen, Laakiinse innagu waynu kacnay, oo waynu taaganahay." (Sabuurrada 20:7-8).
DHIIGA MASIIXA
Awooda ku jirta dhiiga Ciise Masiix
waxay innaga nadiifisaa dembiyadeena oo dhan si uu ibliisku u helin meel
uu ka soo galo nolosheena.
"oo dhiiga Ciise, oo Wiilkiisa ah, wuxuu inaga nadiifiyaa dembi oo dhan" (1 Yoxanaa 1:7).
"Intee ka badan ayuu
dhiigga Masiix,
EREYGA ILAAH
Markuu ibliisku jarribay Ciise, wuxuu
isticmaalay Ereyga Ilaah si uu ibliiska uga guuleysto. Saddex jeer ayuu
Ciise ku celceliyey. "Waa qoran tahay… Waa
qoran tahay… Waa qoran tahay" Matayos 4:1-11.
Baybalku wuxuu ina leeyahay, "Haddaba
Ilaah ka dambeeya, laakiin Ibliiska horjoogsada, wuu idinka carari
doonaaye" Yacquub 4:7-8.
Fiiro gaar ah u lahow sida
ay dhacdadu isu daba socoto:
1.
Ilaah ka dambeeya.
2.
Ibliiska horjoogsada.
3.
Wuu (isaga Ibliiska) idinka
carari DOONAAYE.
Haddii aynu raacno ammarkan, Ibliisku ma
lahan doorasho kale oo aan ka ahayn inuu inaga cararo. Habka aynu Ilaah
uga dambaynayno waxa weeye inaga oo adheecna erayadiisa. Markaynu ku
guuleysan weyno inaynu adheecno, waa inaynu towbad keenaa oo aynu
weydiisanaa inuu ina siiyo nimcadiisa si ay inoogu caawiso inaynu kaga
guuleysano daciifnimadeena.
Ereyga Ilaah
Sida jirkeenuba ugu baahan yahay nafaqo,
sidaas oo kale ayey nolosheena ruuxiga ahna ugu baahan tahay ereyga Ilaah.
"oo sida carruur
dhallaan ah u jeclaada caanaha ruuxa ee saafiga ah, si aad ugu kortaan
xagga badbaadada." (1 Butros 2:2)
Fursadeebuu ereyga Ilaah ka cayaaraa
xagga nolosheena?
a. Waa iftiinkayaga. Sabuurrada. 119:105
b. Wuu ina nadiifiyaa. Sabuurrada.119:9
c. Wuxuu ina siiyaa dhaxalka ruuxa. Falimaha Rasuulada 20:32
d. Waa seefta ruuxeena oo la dagaalanta cadowgayaga. Efesos. 6:17
e. Waa cuntada ruuxayaga. 1Butros 2:1-3
f. Wuxuu ina barayaa runta. Maahmaahyadii. 22:20-21
g. Waxa uu inaga xoreynayaa xarriga Ibliiska. Yooxanaa 8:32
h. Wuxuu ina siinayaa faham iyo xigmad. Sabuurrada 114:98-100.
i. Wuxuu inaga ilaaliyaa khalad. Matayos. 22:29
j.
Waxa uu baaraa
qalbigeena sida x-rayga. Cibraaniyada. 4:12
Waxaynu noqon karnaa kuwa hela
faa’iidooyinkaasi kore ee ka yimaada ereyga Ilaah marka KELIYA ee aynu
adheecno. Maqlida iyo akhrinta ereyga Ilaah oo qura inooma sameynayso wax
wanaagsan.
"Noqda
kuwa hadalka yeela, oo ha
ahaanina kuwa maqla oo keliya oo nafsaddooda khiyaaneeya. Waayo, haddii
mid yahay
In wehel lala
yeeshto rumeystayaasha kale
Ma jiro Mid Masiixi ah oo keligii gaar
ahaan kara sida jasiirad. Ahaanshaha
Masiixi, sharaxaad ahaan, macnaheedu waxa weeye ka mid noqoshada JIRKA
Ciise. Ma jiro hal unug oo jirkeena ka tirsan oo keligiis
gaar uga noolaan kara jirka intiisa kale. Sidoo kale, waxyaalaha xagga
ruuxeena waxay ku xiran yihiin wehelnimada aynu la leenahay Rabbiga iyo
rumeystayaasha kale..
Maxaynu ugu baahanahay wehelnimada rumeystayaasha kale?
1. Maxaa yeelay, Ilaah wuxuu qubaa barakadiisa marka rumeystayaashu ay isugu yimaadaan MIDNIMO. "Bal eeg, siday u wanaagsan tahay oo ay u wacan tahay inay walaalo wadajir ku degganaadaan! Wa sida saliidda qaaliga ah ee madaxa, Oo ku soo dareertay gadhka, kaasoo ahaa gadhkii Haaruun, Oo waxay soo gaadhay daraftii dharkiisa, waana sida dhabarka Buur Xermoon, oo ku soo dega buuraha Siyoon, Waayo, RABBIGU wuxuu amray inay halkaas ku dhacdo barako, Taasoo ah nolosha tan iyo weligeedba." Sabuurrada. 133
2.
Maxaa yeelay, Ilaah XAADIR
buu ku yahay kulamada noocaas oo kale ah. "Waayo,
meeshii laba ama saddex qof ay magacayga isugu soo ururaan, halkaas anigu
dhexdoodaan joogaa." Matayos 18:20
3.
Inaynu bixino ama helno
Jacayl. Yooxanaa 13:3,35, Cibraaniyada. 10:24
4.
Is sharfid iyo isdhiirigelin
midba midka kale. Cibraaniyada. 10:25
5.
Maxaa yeelay, waxaynu nahay HAL
qoys iyo kuwa ka tirsan jir qura. 1 Cor.12:12-31, 14:26)
"Waayo, aniga waxaa
nolosha ii ah Masiixa, oo dhimashaduna waa ii faa’ido." Filiboy
1:21
Aayadan gudaheeda Rasuul Bawlos waxa uu
sheegayaa in hogetusaalaha noloshiisa oo dhan uu yahay Masiixa. Waxa uu u
noolyahay inuu sameeyo doonista Masiixa, mana ahan tiisa. Haddii uu dhinto
waxa uu u tegayaa Masiixa marka dhimashadu isagu uma ahan khasaaro laakiin
waxay u tahay faa’iido.
Siddee ayaan ugu noolaan
karnaa Masiixa?
Sida keliya ee aynu Masiixa ugu noolaan
karno waa iyada oo aynu garano deetana buuxino ama yeelno doonistiisa.
Habka aynu ku garan karno doonistiisa waa ereygiisa, maxaayeelay, ereyga
Ilaah waa muujinta doonistiisa.
Bal aynu fiirino labada axdi ee ugu
waaweyn ee uu Ilaah inagu siiyey ereygiisa. Matayos 22: 35-40.
- Inaynu
Rabbiga Ilaaheena ah ku jeclaano qalbiyadeena oo dhan iyo nafsadeena
oo dhan iyo xooggayaga oo dhan.
Haddii aynu
Ilaah ku jeclaano ruuxayaga oo dhan ma sameynayno wax aan isaga ka
farxinaynin.
"Haddii aad I jeceshihiin, qaynuunnadayda waad xajin doontaan." Yooxanaa 14:15
"Haddaba, walaalayaalow, waxaan idinku baryayaa Ilaah naxariistiisa inaad jidhkiinna Ilaah u siisaan sida allabari nool oo qoduus ah oo Ilaah ku farxo, waana cibaadaysigiinna caqliga leh. Ha u ekaanina dadka ifkan, laakiinse ku beddelma cusboonaanta maankiinna inaad hubsataan waxa ay tahay doonista Ilaah oo wanaagsan oo isagu ku farxo oo kaamilka ah." Rooma 12:1-2
2.
Inaynu
deriskayaga u jeclaano sidaynu isu jecelnahay.
Haddaynu kuwa kale u jeclaano sidaynu isu jecelnahay waxaynu u rajeynaynaa
wanaag umana geysanayno wax dhib ah. Haddii aanay badbaadin, waxaynu u
tukanaynaa badbaadadooda. Waxa kale oo aynu iyaga uga markhaatifuraynaa
wax ku saabsan nimcada badbaadinta leh ee Rabbigeena Ciise Masiix.
Baybalku
wuxuu inoo sheegayaa inay masuuliyad innaga saaran tahay inaynu kuwa kale
u sheegno wax ku saabsan wanaaga Rabbiga. (1 Butros 2:9, Matayos.
10:32-33)
Siddee ayaan u markhaati fureynaa?
Sida ugu sahlan, markhaatifurku waa
inaga oo kuwa kale u sheegno waxa uu Ciise Masiix inoo sameeyey. 1
Yooxanaa 1:1-2
Marka hore waa inay noloshayadu
markhaatifur noqotaa, inaga oo noqonayna markhaatifurka nool ee jacaylka
iyo nimcada Ilaah. (Matayos 5:14). Laakiin sidoo kale waxaa loo
baahan yahay inaynu afkeena kaga markhaatifurno. 1Butros 2:9, 3:15
Marka aynu afka ka markhaatifurayno;
1.
Waxaynu kuwa kale u
sheegaynaa waxa Rabbigu noloshayada ku sameeyey. Sida uu u bedelay
nolosheena.
2. Waxaynu ereyga Ilaah soo gelinaynaa noloshooda. Waxaynu ugu markhaatifuraynaa isla erayadii Ilaah ee nolosheena bedelay. Haddii ay ahayd wanaag ku filan inay inaga ina bedesho sidoo kale waa wanaag ku filan inay toodana bedesho. “inaad ceeb iyo eed la’aataan, idinkoo ah carruurtii Ilaah oo aan iin lahayn, oo ku dhex jira qarni qalloocan oo qallafsan, kuwaas oo aad uga dhex muuqataan sida nuurar dunida ku dhex jira, idinkoo hore u soo fidinaya hadalka nolosha …" (Filiboy 2:15-16)
"Anaa ah geegka canabka ah, idinna waxaad tihiin laamihii. Kii igu jira oo anna aan ku jiro, kaasaa midho badan dhala, maxaa yeelay, la’aantay waxaba ma samayn kartaan." Yooxanaa 15:5
Global Good News Literature
(C) Copyright 2007 Global Good News Literature
If you have comments or questions, please contact.
Dalmar : cwn@codkanabada.org